<=(1ยอห์น 5 / 1John 5)                  (สารบัญ/TOC)                  (3ยอห์น 1 / 3John 1)=>

God's Word For Isan
พระคำของพระเจ้าเพื่อชาวอีสาน
เสียงอีสานใจแจ้ง

  2ยอห์น 1 / 2John 1   

1:1 จากข้อย ผู้เป็นอาวุโสเบิ่งแยงพีน้อง เรียน มายังสตรีที่ได้เลือกสรรไว้ กับลูกๆ ของนาง ผู้ที่ข้อยฮักแพงในความจริง แล้วบ่แม่นแต่ข้อยท่อฮั้น แต่เมิ้ดคู่คนที่ได้ฮู้จักความจริงนำ

1:2 ย้อนเห็นแก่ความจริง ที่อยู่ในพวกเฮาทั้งหลาย กับได้ดำรงอยู่นำพวกเฮาตลอดกาลเป็นนิตย์

1:3 ขอพระกรุณาธิคุณ ความเมตตา กับสันติภาพจากพระเจ้าผู้เป็นพ่อ กับจากพระเยซูคริสต์ ผู้เป็นพระบุตรของพระเจ้า สถิตอยู่กับพวกเจ้า โดยในความจริงกับในความฮัก

1:4 ข้อยชื่นชมยินดีเป็นอย่างยิ่งที่ได้เห็นลูกๆ ของเจ้าดำเนินในความจริง ตามที่พวกเฮาได้ฮับคำสั่งจากพระเจ้าผู้เป็นพ่อ

1:5 แล้วสตรีเอ้ย บัดนี้ข้อยขอวิงวอนเจ้า บ่แม่นว่าข้อยเขียนคำสั่งใหม่ให้เจ้า แต่เป็นคำสั่งดั้งเดิม ที่พวกเฮาได้มีมาแล้วตั้งแต่ตำอิด ฮั่นกะคือ ให้พวกเฮาทั้งหลายฮักซึ่งกันและกัน

1:6 กับความฮักฮั้นกะเป็นแนวนี้ คือพวกเฮาทั้งหลายควรสิดำเนินตามคำสั่งของเพิ่น นี่กะเป็นคำสั่งฮั้นซึ่งพวกเจ้าได้ยินมาตั้งแต่ตำอิด ที่พวกเจ้าควรสิดำเนินตาม

1:7 ย้อนว่า มีคนล่อลวงหลายคนได้ออกไปในโลกแล้ว พวกนี้บ่ยอมฮับว่าพระเยซูคริสต์ได้มาในสภาพเป็นคนมีเนื้อหนัง พวกฮั้นล่ะ เป็นผู้ล่อลวง กับเป็นฝ่ายปฏิปักษ์ต่อพระคริสต์

1:8 ให้พวกเจ้าระวังโตให้ดีเด้อ เพื่อบำเหน็จของแนวที่สิได้ฮั้น สิบ่ได้สูญเสียไป แต่สิได้ฮับอย่างเต็มที่ แนวที่พวกเฮาได้มาแล้วฮั้น

1:9 ผู้ใดละเมิดไป แล้วบ่ได้ดำเนินอยู่ในหลักการสอนของพระคริสต์ ผู้ฮั้นกะบ่มีพระเจ้า แต่ผู้ใดที่ดำเนินอยู่ในหลักการสอนของพระคริสต์ ผู้ฮั้นกะมีทั้งพระเจ้าผู้เป็นพ่อ พร้อมทั้งพระบุตรนำ

1:10 คั่นมีผู้ใดมาหาพวกเจ้า แต่บ่ได้มาด้วยหลักการสอนนี้ อย่าต้อนฮับเขาไว้ในเฮือนเด้อ กับอย่าทักทายอวยพรเขาเลยเด้อ

1:11 ย้อนว่า ผู้ที่ทักทายอวยพรเขา ได้เข้ามีส่วนฮ่วมในการเฮ็ดอันซั่วของเขาฮั้น

1:12 ข้อยกะยังมีข้อความอีกหลายข้อที่สิเขียนมายังเจ้า แต่บ่อยากเขียนด้วยกระดาษกับน้ำหมึก คือ ข้อยหวังใจว่าสิมาหาเจ้าซุมกันต่อหน้า เพื่อพวกเฮาสิได้มีความปีติยินดีนำกันอย่างเต็มเปี่ยม

1:13 พวกพี่น้องที่เป็นลูกๆ ของสตรีผู้เป็นพี่น้องของเจ้า ที่ได้เลือกสรรไว้ ฝากความคึดฮอดมายังเจ้า อาเมน



พระคำของพระเจ้าเพื่อชาวอีสาน
เสียงอีสานใจแจ้ง

God's Word for Isan
Thai-Isan Version

Ron Myers, Translator
Church Planting Missionary and Bible Translator
Isan People and Region of Northeast Thailand

Baptist World Missionary Outreach Ministries
PO Box 3303, Chattanooga, TN 37404

© 2015 God's Word For Isan

ร่วมกันในการแปลโดย อาจารย์พิทักษ์ อุปทุม -o0o- การบรรยายโดย ท่านธนชาต ธนโชติพิพิธ